ishq, science aur ishq ki science

ishq

Kehty hain keh ek bar Majnoon k kuch doston ne, jis pathar pr beth kr majnoon Laila ka deedar kia karta tha wo pathar sharaartan Garam kar k rakh diya, #Qais (majnoon) hasab e aadat aa kar usi pathar pr betha, mehve deedar e yaar hua aur kuch dair baad jb uth k jaany laga to doston ne istifsaar kiya k kiya tmhe aaj ye pathar garam nahi laga? to majnoon ne jawab diya, "main laila k deedar me hi itna mehav tha k pathar ki garmi ki taraf mera dhehaan hi nahi gya"

ab agr hm log apny ishq k daawoon aur ibaadaat k andar apny zauq-o inhemaaq ka jaiza lain to boht kuch wazeh ho jaay ga.

 "ishq dar-asal rukawatoon ko uboor kar ky mahboob ko paa leny ka naam hai" jo jitna mehav ho jata hai, duniya-o-ma fi-ha b uski nzr se utny mehv ho jaty jain"

ishq k hissab ka kuliya nisbat-tanasab k saada se usoolon par mabni hota hai yaani jitna ziada mahboob ki yaad ko khud me utaar lo ge utna ziada usko khud me utar'ta mehsoos karo ge...

Rang-e-ishq jab rooh main samaa jata hai
mahboob aap muhib main nazar ata hai

sacha ishq kabhi b be-mool nahi jata, apny andar taseer zaroor rakhta hai, aur ye ishq apni be-paayan taseer ki badaulat kisi ko saahib-e-karaamat bana deta hai to kisi pr asraar-o-ramooz k wo khazaany aashkaar karta hai k sun'nay waly dangh reh jaty hain aur bassa auqat apni kam fehmi ki bina par kamaalat-e-ishq k munkir ho jaty hain.

asal me har baat hr ek k lye nhi hoti.......

khaasaan di gall aamaan agay nien munaasib karni
mithi kheer pakaa muhammad*, kuTiyan agay dharni
[mian muhammad bakhash r.a]

seedhi c bat hai, jo apni tarbiyat, ya kam-fehmi, ya be-zauq halqa-e-arbaab se kasheeda kam-mayigi-e-nukta-sukhani, al-gharaz kisi b amr ki badaulat  ishq aur iski kaifiyat se muta'aruf hi na ho saka, uska ye shikwa hi be-ja hai k usy ishq ki samjh nahi ati, ya ishq hota kiyon kar hai, iski kaifyat kiya hain aur iske assaraat kia hain......

khusrau dariya pareem ka, ulti wa ki dhaar
jo utra so to doob giyo, jo dooba so paar

science aur ishq ki science

Pukhta Hoti Hai Agar Muslihat Andaish Ho Aqal
Ishq Ho Muslihat Andaish To Hai Khaam Abhi

If Intellect is prudent it is considered mature
If Love is prudent it is considered immature still

Be-Khatar Kood Para Aatish-e-Namrood Mein Ishq
Aqal Hai Mehv-e-Tamasha-e-Lab-e-Baam Abhi

Love fearlessly jumped into the fire of Namrud
Intellect is absorbed in the spectacle from roof‐top stil


Ishq Farmouda-e-Qasid Se Subak Gaam-e-Amal
Aqal Samajhi Hi Nahin Maani-e-Pegham Abhi

Love moves fast in action under the messenger’s precept
Intellect has not even understood the Love’s message still

Qalandar-e-Lahore Hazrat allama Iqbal R.A

aksar log ishq ko is lye nhi smjh paaty kiyon k wo ishq ki taujeehat ko nhi smjh paaty, jb k iske bar-akas kamaalat-e-science ko maan'ny me pall bhar ki takheer k bhi murtakib nhi hoty.... aiye zra thori khabar science ki ho jaay:

Mobile Phone:
hazaaron, laakhon meel  k faasilay se (from thousands of miles away) ap ek dosry ki awaaz sun len to ye ek aaam c baat hai, koi fatwa nahi lagy ga, na hi koi isko ajooba kahy ga......

haalan k,  mobile kiya hai? plastic k kuch tukroon ki arrangement, wo b insaani hathon se muratab karda, aur iske kamaalat pr itna naaz

jab keh, insaan kiya hai? maf'hoom: "aur ham ne insaan ko behtreen soorat main banaaya" lehaaza, insaan umooman, aur saahibaan-e-mazaaq-e-aashiqui khusoosan, k ma-bain bina kisi  maadi waseelay k paighaamat ki irsaal o tarseel itni qabil-e-hairat kiyon kar hai?

Hard Disk / Data Storage:
ek chooti c hard-disk, USB device aur ab to cloud storage or any data storage device (maloomat ko zakheera karny ka koi b aala) hazaaron ki tadaad me kitaabon, tasaweer, awaazon ko zakheera kar le to kisi ko koi hairaani nahi hoti, jb keh
agr koi batlaay k kisi ehle muhabbat ko darjanoon kitaabon k hawala jaat, saf'haat aur maTan azbar hy to aksar logon k dil me shak ubhrny lagta hai....

Rockets / Spaceships:
Sainkaroon man wazni rocket ya  spaceship khala me kai saal tak chakar lagaati rahy to koi ungli nhi uthaata, lekin agr koi kisi ehal-e-wafa me se kisi darwesh ka waqiya btaay k kis trha ek hindo jogi ko sudhaarny k lye ek mard-e-darweesh k pa-poosh hawa me urrtay huy us jogi k sar par barsy, to aksar logon ka yaqeen mutzalzal hony lag jata hai.

Camera:
koi camera manazir ki jitni marzi high definition (hd) tasweer kashi kar le us mard-e-darweesh ki nigah ka muqabla nahi kar skta jisy diloon ki sar zameen pr ubharny waaly khayaalat ko bhi parh leny ki khuda-daad salahiyat ata hui ho...

Earth Map:
ek rawayet ka maf'hoom hai k, "ek wali k samny duniya isi trha hoti hai jaisy haath ki hatheeli par raie ka daana, jidhar se chahy mulahiza kary"

google earth, aur is trha ki la-taadaad maps ki services ista'maal kar k ap choty se "smartphone" me pori duniya mulahiza kar len to koi bari bat nahi, halan k ap muhtaj hain us maadi waseela k,  aur jiski qalbi aur batini aankhon k parday min-janib ALLAH hatta diye gye hon, uski quwat-e-mushahida ka andaza bhi muhaal hai...

Kafir Ki Ye Pehchan Ke Afaq Mein Gum Hai
Momin Ki Ye Pehchan Ke Gum Iss Mein Hain Afaaq!

A heathen gets distinct by getting lost in life 
Whereas a Muslim true keeps ’bove its brawl and strife.

Qalandar-e-Lahore Hazrat allama Iqbal R.A

Laser:

Insaani Azay badan k "operation" se le kr pahaaron ki chattano ko kaat deny wali laser technology se mar'oob o mutassir logon ka, "nigah-e-mard-e-momin" ki tasseer o kamaalaat ka munkir hona intehaie hairat kheiz amr hy...

Eyesight, Nazar, nigah, ankh ki takat ek mussalima haqeeqat hai jiska idraak beshtar afraad ko hota hy......

Chaahen to ishaary say apnay, kaaya hi palat den duniya ki
ye shaan hai khidmat gaaron ki, SARDAR ka aalam kiya hoga

Fax:
aj fax boht sary logon k lye ek ajoobay se kam nahi, halan k......

He said, 'O Council, which one of you will bring me her throne, before they come to me in surrender?' ^{[Quran 27:38]}

An efreet of the jinns said, 'I will bring it to thee, before thou risest from thy place; I have strength for it ^{[Quran 27:39]}

and I am trusty.' Said he who possessed knowledge of the Book, 'I will bring it to thee, before ever thy glance returns to thee.' Then, when he saw it settled before him, he said, 'This is of my Lord's bounty that He may try me, whether I am thankful or ungrateful. Whosoever gives thanks gives thanks only for his own soul's good, and whosoever is ungrateful -- my Lord is surely All-sufficient, All-generous.' ^{[Quran 27:40]}

mediums of transportation:

ham log apni musafaten tay krny k lye car, hawai jahaz, aur deegar maadi wasayel pr inhessar karty hain lekin ehl-e-ishq hastiyon ko ALLAH tamaam rukawaton se be-niyaz farma deta hai.... Fasily, muqam, waqt, al-gharaz kisi cheez ki muhtaaji baqi nahi rehti

Tu chaahy to har shab ho missaal-e- shab-e Assra
tere liye do chaar qadam arash-e-bareen hai


Video Calling:

Hazrat Umar Farooq Razi ALLAH anhu ka mash'hoor waqiya jis me ap razi ALLAH anhu ne lashkar-e-islaami k sipah saalar ko sainkaroon miles k fasilay se na sirf mulahiza farmaya balkeh jangi hikmat-e-amali ki ek tadbeer samjhai, "ya saariya al jabal" aur unho ne wahan maidan e jang me ap ka ye irshaad sun kar us pr amal kiya aur is trha lashkar -e- islaami ko fatah mili

poultry chicken vs nigaah-e-darweesh 

kuch arsa pehly tk sbhi smjhty thy k ek murghay ko chozy se nou-jawan murgha ban'ny k lye km-o-besh ek saal darkaar hota hai, lekin yehi dauraaniya ab sirf 20 se 25  din tk simat aya hai, isi trha pehly jitna fasila tay krny me kai kaie maheenay lag jaya karty thy, ab us se kahen ziada fasila kuch ghantoon me tay ho jata hai................
is baat me kisi k lye b saamaan e hairat nahi to phir agr kisi ki rafaqat k kuch pall basoorat-e-deegar guzarny waaly kai saal ki mehnat se ziada Samar-awar sabit hon,  ya kisi ki sirf ek nazar se kaaya palat jay aur dil ki duniya me "tabdeeli aa jay" to maan leny kia Qabahat hai sahib?

Jab Ishq Sikhata Hai Adab-e-Khud Agaahi
Khule Hain Ghulamon Par Asrar-e-Shehanshahi

When through the Love man conscious grows of respect self‐awareness needs,
Though in chains, he learns at once the regal mode and kingly deeds.

Hazrat-e-Iqbal (r.a) 

Read more ...

Sada Chiryan Da Chamba Way Babala Assan Udd Jana - Beautifully Sung by Ali Abbas

Sada Chiryan Da Chamba Way Babala Assan Udd Jana

Dear readers, see the picture with another angle, 

though departure of a daughter after her marriage is an emotional part of life for both, the girl who is going to start next phase of her life and for rest of the family  but

we can see some other meanings in this poetry as well.

I'm going to present an example of

such a person who've spent his whole life in just this's and that's of ordinary matters,

and unfortunately remained unable to create a strong connection with his Lord

due to any reason:

lack of information, lack or research, or having no guide

or whatever the reason may be,

when he realizes that

he has lost the time

and its time to move to another world.

Here I'm presenting 2 types of meanings of this poetry (3rd one is already well known which we discussed in starting)

1 meaning is for ordinary people (who try to judge everything with brain):

They can take it as, 

Suppose if a person who is going to die, what will be his/her feelings.

The 2nd one is for those very few people who think with the thoughts of their beloved

M u r s h i d

for them, this poetry is to realize the phase of their life when they are distracted from the way of their "haadi"  (guide)

dhiyan lie pardees way babul

te putraan lie jaageer ay

dukh sehna tay kuj na kehna

dhiyaan di taqdeer ay

(for those who are poor, seeking the way of beloved, it's separation, loneliness, distance for them in this world, and those who are not having a loving soul, have luxuries and joys)

(lovers bear grieves and still never let anyone know)

(Here dhiyan (daughters) are to represent to the seekers, the poor lover)

(puttar (sons) are representing those who are not having any sense of why a MURSHID is necessary) 

way saada chiryaan da chamba, way baabula way

assan udd jana, assan udh jaana

jithay khaiday gudiyaan patoolay

jind aj oosay kar wich doolay

kar diyan kunjiyaan saamnbh lay

assan udh jaana, assan udd janaa

saada chiryaan da chambaa

(telling about the world where he spent his life, now going far forever)

bas akhiyon hun roowo naahi

tay kuj nie ban'na royaan

dukh banday de muknay naayoon

te muknay ne mooyaan

bethi janj booha mall kay

hona main pardeesan Palkey

qismat day naal mail ni 

assaan udd jaana, assan udd jaana

saada chiryan da chamba, way baabala 

(just like the arrival of "Baraat" when someone's "Janazah" is ready, he'd be "stranger" for this world forever.

Guys there is a lot more which can be written about it, but I'm leaving it to you, to think and express your words in comments section.

Looy Looy bhar lay kuriye, jay tudh bhaanDa bharNa

Shaam paie bin shaam Muhammad, ghar jaaNdi ne darna

Kar le jo karna hai, Akhir Maut hai

Aik din marna hai, Akhir Maut hai

(I've not explained it much, because I just wanted to give you an idea, now its your part to do)

[mian mohsin]

Read more ...

kushtagaan e khanjar e tasleem raa

“Kushtagaan-e-khanjar-e-tasleem raa, Har zamaan azz gheb jaan-e-deegar ast”
“For the victims of the sword of divine love, there is a new life every moment from the unseen”

Read more ...

Yeh Galiyon ke aawaaraa bekaar kutte - Poem written by Faiz Ahmad Faiz

Yeh galiyon ke aawaaraa bekaar kutte
Ke bakshaa gayaa jinko zauq-e-gadaai,
Zamaane ki phatkaar sarmaayaa unkaa
Jahaan bhar ki dhatkaar unki kamaai.
Na aaraam shab ko na raahat sawere;
Ghilaazat mein ghar, naaliyon mein basere.
Jo bigde to ek doosare se ladaa-do;
Zaraa ek roti kaa tukdaa dikhaa-do.

Yeh har ek ki thokarein khaanewaale,
Yeh faaqon se uktaake mar jaanewaale,
Yeh mazloom makhlookh gar sar uthaa-e
To insaan sab sarkashi bhool jaaye.
Yeh chahein to duniyaa ko apnaa banaalein,
Yeh aaqaaon ki haddiyaan tak chabaadein.
Koi inko ehsaas-e-zillat dilaa-de,
Koi inki soyee hui dum hilaa-de. (by Faiz Ahmed Faiz)

Read more ...

ruh ki parwaz - istiqamat - consistency wins reward

ruh ki parwaz - istiqamat - consistency wins reward:

Mamool Mukh'taSir magar Must'kil ho Mohsin
yeh Ghiza Ruh ki parwaaz bar'ha deti hai

[mian mohsin]

Read more ...

Na yeh baat zaat rang say hai na yeh baat chaal dhang say hai

Na yeh baat zaat rang say hai na yeh baat chaal dhang say hai

na maal o zar say hai wasta, 
na jaah o hasham ki talab koi

na kisi nashy me wo bat hai 
jo teri deed ki umang say hai


na yeh bat zaat rang say hai, 
na yeh bat chaal dhang say hai

mohsin qaaim suhaag sada, 
apnay pi kay sang say hai

[mian mohsin]

نا مال و زر سے ہے واسطہ
 نا جاہ و حشم کی طلب کوئی

نا کسی نشے میں وہ بات ہے
جو تیری دید کی امنگ سے ہے


نا یہ بات زات رنگ سے ہے
نا یہ بات چال ڈھنگ سے ہے

محسن قائم سہاگ سدا
اپنے پی کے سنگ سے ہے
ٌْ(میاں محسن)

Read more ...

The Biggest DISEASE is HOPELESSNESS and the Biggest MEDICINE is SELF Confidence

The Biggest DISEASE is HOPELESSNESS

and

 the Biggest MEDICINE is SELF Confidence


[mian mohsin]

Read more ...

You Can Get Priceless Happiness out of small acts - wisdom quotes

You Can Get Priceless Happiness
out of small acts,
on the other hand,
you can ruin
the most precious moments
for useless stuff....!
[mian mohsin]

Read more ...

Asal Cheez Muhabbat hai - Paighaam e tassawuf

Asal cheez muhabbat hai - Paighaam e tassawuf:

asal cheez muhabbat hy

usi muhabbat se ALLAH ne hmari rooh paida ki

hmari rooh ko ALLAH ka qurb hasil tha

iblees ko ye baat ek aankh nahi bhaati thi

alastu bi rabikum k jawab me balaa kehny k baad

hmaari muhabat ko parakhny k lye

rooh ko jasad-e-khaaki me muqeed kia gya

hme zameen p utaar kr hijar me mubtila kiya gya

ta k pta chly kis rooh ki muhabat phir se joosh maarti hy, wapasi ki rah dekhti hy

kon bhool bhaliyon me, rangeeniyon me khooya rehta hai

ham beshumaar baaton, dhandhoon ki bhool bhalaiyon me uljhaay gye,

iblees ne b kamar kas li k is khaaki insaan ko itni fursat hi nahi muyasar hony donga

 k usme muqeed roh apny mahboob ko pehchan skay aur uski trf jaa pay

lekin ye sb muhabat berhaany k tareeqy thy

bhool-bhulaiyon me uljhy huown ko manzil tk le jany k lye boht se haadi bheejy gye

kis ne bhejy

wohi jo mahboob hy

wohi jo maqsood hy

wohi jo matloob hy

phir us ne unko hadi bna k bheja

wohi jo uska mahboob hy

wohi jo uska mahmood hy

jin logon ne apni marziyon aur tabiyatoon ko usky hukam k taabey kia wo manzil tk pohnchny lgy

aur jo us mahboob-e-mahboob-e-haqeeqi, ki be-adabi k murtakib huy, wo na to manzil pa sky

na muhabat k raz smjh sky aur na un bad'nseebon ko skoon muyasar hua

dar-asal wo ye samjh na skay k agr sirf aamaal se nijaat hoti to iblees ruy-e-zameen k chapy chapy pr sar-ba-sajood  reh kr b mardood q hua

bara zoum tha usko b, k wo khuda se muhabbat krta hai, aur sirf usi se krta hy

dar haqeeqat wo apny un aamaal k girdaab me phansy rhty hain jin se kahen ziada aamaal iblees k paas thy,

us k pas boht ibaadat thi, lekin us ne adam ko ALLAH ka diya hua muqaam qabool krny se inkar kia, nateejatan  mardood thehra

in k paas kitni ibaadat hy, kitni riyazat hy, aur ye mahboob-e-khuda ko ALLAH ki ata karda shaan k inkaari hain  nateeja kiya hoga...........

baat sirf itni hy, adab kro, itibaa kr sko ge, itibaa kro ge to manzil pa jao ge jo k uska rasta, uski muhabbat hy

asal cheez muhabat hai

muhabbat me itaa'at na ho to sirf daawa

aur

itaa'at me muhabbat na ho to niraa dhoong, sawaang, behroop

nijat sirf muhabbat me hy....

q k

asal cheez muhabat hai

1-14-2016, 3:13 PM 

Paighaam-e-tassawuf

Mian mohsin

Read more ...

ishq meri zndgi ka kul asaasa aur kul khulaasa hai

ishq meri zndgi ka kul asaasa aur kul khulaasa hai

ASRAAR-E-ISHQ

Kal barson baad ya najanay sadion baad, chaltay huay ya shaid bhataktay huay  jb zndgi ki tapti chaon ne mujhe is qadar nidhal kr dia ,to chand lamhon k lye to jaisay meri nazron k samne andhaira cha gya ho,goya k meray muqadar ki saari seyahi yak dm mujh pr undail di ho,fiza mein jaisay ek lamhe k lye sb kuch sakt ho gya ho.aur khyalaat munjamid ho gyay hon.mein kya thehra laga kul kainaat he thehr gye ho.raah ka jb jaiza lia to koi shajar dikhae ne dia.apne he saye tallay chand lamhey sastaanay laga.zehn ne zndgi k auraaq ko paltaana shuru kia,haqeeqat-e-khwaab mein khwab haqeeqat pazeer hua.sach mein mein sehen paar karta hua maazi k dalaan mein phunch chukka tha.jis k ain wast mein soch ka pathar girra to door door tak khyalaat ki leher bikhair gya.najaanay woh khyal kaisay kaisay sawalaat lye huay thay.ek sawaal ka jawaab milta to najanay kitne unginnat sawaal ro-numa ho jaatay.khair aik waqt aisa aya k mein ne apni he zaat ko saraapa sawalia nishaan paya.pr in sawalaat ki kashmakash mein,mn ulaghta he challa gya.fiqr-o-shaor aur amal ki dunia ka faasla sirf aur sirf yaqeen se tey hota hai.agar fiqr-o-shaor yaqeen ki wadion mein bhatak jaye,to woh amal amar ho he jaata hai.

Aur insaan bhi sadion se apni mansha ka ghulaam hai,jo manzar, nazar ko bha jaye,ussi shak k gumaan ko yaqeen k killay pr kaim kr laita hai.pr yeh shaq ka tasalsul yaqeen k zawyiay pr a k toot he jaata hai,jahan yaqeen khud ko wehdat se mansoob kr ho jaata hai aur wehdat ki rawayat hai khud ko ishq se munsalik karta hai,bs yhi,yhi ishq he to woh anjaam-e-aghaaz hai jahan tamaam zndgi ek pal mein jee li jaati hai,ya aik pal mein tamaam sadian kaid ho jaati hain.han yeh ishq he to qyaas ka aisa gehra samadar hai jo kainaat k tamaam razo-neyaaz apne ander samoye huay hai.yeh lafz khud mein he apna,aap byaan karne k lye kaafi hai.ishq ka ain amal hai,sheen shiddat aur kaaf kabooliat.aur agar amal mein is qadar shiddat ho to who qabooliat ki mairaaj ko qeun kr  na phunchay.

Bs ishq k mamulaat he kuch aisay hain,is se aashnai kuch is hadd tk he ho paati hai k idher zulm ki ibteda hoti hai to udher sa sabr ki inteha ho jaati hai.,idher rooh ghail hoti hai to udher rooh raishay raishay tk chalni ho jaati hai..Ishq ka tibaadla insaan se us ki fana ka hai.aur yhi amar rooh ko pakeeza krne k lye yaqeeni hai..aur jo is manzil tak phunch gya to samjho us ka baira paar.

Yeh mamlaat is qadar ajeeb tr hotay challay jatay hain ,jahan bhut kuch kehne ki koshish mein kuch bhi nhe kaha jaata aur kabhi kuch na kehne ki sae mein sb kuch sar zad ho jaata hai.pr deewanay ki aur khirad se be gaanay ki barbaraahat ko wohi samagh paatay hain jo waqif-e-raaz hon.

Aaj barson baad mein qudrat k khail se roshnaas hua,jahan haqeeqat-e-makhfi ko paaya.najanay yeh qudrat bhi ishq mein kaisay kaison ko apna hm raaz bna laite hai.woh shaks jis ne madrassay mein chand safeh bhi kaalay nhe kiay hon ge.dor janglon mein weeranay mein bakrion ka rawarh chara rha ho  ga.ya yeh raaz us pr ayan ho ga jo jog lye,dunya tyaag kr,jaaray ki sard raat mein,jhund k neechay,barsaat mein apna tn mn bhigo rha ho ga.apni masti mein mast malang.sr mast qalandar.

WAH RE QUDRAT TERAY KHAIL

Hm bhalla marsadiez mein sawaari karne waalay aur lemozine mein farratay bharne waalay kahan in sb se waqif hn ge?bhala hm log jo unchi emaarat pr kharray ho k ,hr neechay se guzarne walay ko hiqarat ki nazron se daikhtay hain,bhala hm sb kahan in sb maamlat se aashna hn ge?parties mein daaru peenay waalay ,nasha karne waalay .jo khud ko arzi nashay aur mustaqil gunnah k boaj tallay daba laitay hain.woh kya jaanay ishq-e-elahi k jam ka nasha,jis ko peenay se bhi pyaas nhe bhujti.woh tashna kahan jae aur  pee kr bhi kahan jana????bs ird gird mein nasha tehleel honay lagta hai,fiza mein ek ajab saroor,sur aur ley ki meethi si taqraar ka millan.

Mein naara-e-mastaana,mein shoq yeh rindaana.

Mein naara-e-mastaana,mein shoq yeh rindaana.

Us mastaanay k ander is qadar alau jo jal jal kr aag mein kundan bna rha hai.jis ki agar zara brabar ramaq bhi bahar niklay to woh sb kuch jala kr khaak satar kr de gi.koi bhi is toppish ki tab nhe la sakta.

Ishq mein khud ko fana kr daina ,hr manzar mein wehdat ka aks .mera ander vi tu,mera bahar vi tu.mainda ishq vi tu,mainda yaar vi tu.mera mein vi tu,mera tu vi tu,ranjha ranjha kardi ni mein aapay raanjha hoe.

Bs yhi manzil,yhi tamaam ibadaton aur reazaton ka haasil hai,yhi lazawaal aur lamehdood haqeeqat hai.aur yhi sach hai.

Bs yhi meray dill ka ehsaas aur kafiat hai,yhi mera maazi aur yhi mera haal hai,yhi meray safar ka parao aur manzil hai,mukhtasir yeh k yhi meri zndgi ka kul asaasa aur kul khulaasa hai.

(written by : Khaak ) 

Read more ...